Naduh Nyngkong ba nga wan hangne,
Jingkmen suda ka tap ianga,
Ha i por ba tang katto katne,
Nga shem ki lok ia nga ki bha.
Ynda nga sdang ban im ban sah,
Mynsngi nga kmen, mynmiet ka tngen,
Ban rieh ha poh Syrngiew jong pha,
Mynsiem jong nga ka dap jingkmen.
Ka ja ka doh kam ju pep noh,
Ka sha, jingbam nga ki pynkdang,
Manla ka sngi, nga sngew lyngngoh
Nga dap jingkmen bad lyiur bad tlang.
Arsnem jingdon jong nga bad pha,
Ngan iai kynmaw hala karta,
Kumno ngan ong, katno ngan niew,
Saramati ngam lah ban thew.
Mynta ka por jong nga la kut,
Ban iai shong sah bad pha nga kwah,
Mynsiem ka dap da jingpang nud,
Jingkynmaw ieit shirta kin sah.
Saramati, Hostel jong ngi,
Burom jong pha kan iai phyrnai,
Por hi ia nga kan lam lynti
"Hawow ka sngi ji phi ngan ji"
Kane ka dei ka poitri ba nga thoh ha ka 7 tarik, Naitung, 2004, ha kapor ba nga la dei ban mih noh na hostel ba nga sah ha NEHU, Shillong. Nga dang lap biang ia i kot lyngkdop ba nga thoh ha kato ka por bad nga sa buh hangne mynta.
Khasi Poetry Scribbled by me on 7 - July - 2004 when I've to vacate my hostel. I just stumbled upon it yesterday from my Diary.
COMMENTS